Ludoteketan izena emateko epea otsailean irekiko dute
Datorren asteartetik aurrera inskribatu ahal izango dira 4 eta 12 urte bitarteko haurrak hiru zentroetako batean. Ikasturte erdirako kuota 29 eurokoa da.
Donibaneko ludotekako artxiboko irudia. 
Antxo, Donibane eta Trintxerpe-San Pedroko udal ludotekek 2021-22 ikasturtearen bigarren zatirako (otsailetik ekainera bitarte) izen emate epea datorren hilabetea hastearekin batera zabalduko dute. Otsaila bukatu arte egongo izango dute inskribatzeko aukera Ludoteketako bazkide ez diren 4-12 urte bitarteko haurrek.
Hiru zentroek ekainera arte izango dituzte ateak zabalik, astelehenetik ostiralera 17:00etatik 20:00etara, eta larunbatetan 11:00etatik 13:00etara. Izena ematen duten haurrek ez dute egunero bertaratu beharko, egoki irizten dioten egunetan joango dira.
Aipaturiko epe horretarako kuota 28,66 eurokoa da eta eskaera formalizatzen den une berean ordaindu beharko da. Arduradunek gogora ekarri dute Ludotekak ezagutu nahi dituzten interesdun guztiek horretarako aukera izango dutela hitzordua hartuz. Txanda hori nahiz inskribapena lokal bakoitzean egin beharko da; hona hemen informazioa:
- Antxoko Ludoteka. Azoka eraikinean dago. Telefonoa: 943 24 85 12. Posta elektronikoa, hemen klik eginda.
- Donibaneko Ludoteka. J.J. Otaegi plazan dago. Telefonoa: 943 34 43 28. Posta elektronikoa, hemen klik eginda.
- Trintxerpe-San Pedroko Ludoteka. Espinosa de los Monteros plazan dago. Telefonoa: 943 39 25 10. Posta elektronikoa, hemen klik eginda.
