Zazpi puntu izango ditu gaur arratsaldeko udalbatzarrak
Gaien artean, EAJko zinegotzien arduren banaketan izango diren aldaketen berri emango dute, eta aparkatzeko araudian aldaketa bat bozkatuko dute.
Pasaiako udalbatzaren artxiboko irudia. Ezkerretik eskuinera, Ahal Dugu-Podemos, EAJ, PSE-EE eta EH Bilduko zinegotziak. 
Gaur arratsaldean, 18:00etan hasita, ohiko udalbatzarra egingo dute Arizabalo Jauregian Pasaiako udalbatza osatzen duten hamazazpi zinegotziek.
Zazpi puntuko gai zerrenda izango du plenoak; tartean, aldaketak izango dira EAJ udal taldeko zinegotzien arduren banaketan, eta dibertsitate funtzionala duten gidarientzako aparkalekuen araudian aldaketa puntual bat egingo da.
1. Xedapen ofizialak eta Alkatetzaren eta zinegotzi ordezkarien ebazpenen berri ematea.
2. Haur, Nerabe eta Gazteen Sustapen Batzordeko burua izendatzeari buruzko alkatetzaren ebazpenaren berri ematea.
3. %50eko lanaldiko arduraldi partzialeko zinegotzia izendatzeko alkate ebazpenaren berri ematea.Ogasuna
4. Kreditu aldaketen berri ematea.Mugikortasuna
5. Onartzea Euskal Autonomia Erkidegoko Administrazio Orokorraren (Segurtasun Sailaren bitartez) eta Pasaiako Udalaren arteko lankidetza-hitzarmena, Ertzaintza eta Udaltzaingoa elkarlanean aritzeko.
6. Bide publikoan ibilgailuak sartu eta aparkatzeko erreserben udal ordenantza arautzailearen aldaketaren hasierako onarpena.
7. Galde-erreguak.
