Lau Haizetarak berriro aktibatuko du Egunean Behineko taldea
Astelehenean hasiko da Egunean Behineko denboraldi berria, eta topaguneak berriro aktibatuko du '700 + euskaraz' taldea. Partaideek C3737B kodea sartu beharko dute taldera batzeko.
Lau Haizetarak bi sari emango ditu astero. Datorren astelehenean, urtarrilak 31, hasiko da Egunean Behin jokoaren bederatzigarren denboraldia. Guztira 10 asteko denboraldia izango da Aste Santura bitartean. Sasoi berrirako ere Errenteria-Oreretan ‘700 + euskaraz’ taldea aktibatuko du Lau Haizetara topaguneak, aurreko denboraldian ia 850 partaide izan ondoren.
Jokoaren funtzionamenduari dagokionez, partaideek egunero 10 galderari erantzun beharko diete. Astero bi sari eskainiko ditu topaguneak: puntu gehien lortu duenari, eta zozketa bidez aukeratuta ateratzen denari. Astelehenero, saridunak aplikazioan bertan eta elkartearen sare sozialetan iragarriko dira.
Taldean sartzeko, Egunean Behin aplikazioa jaitsi beharko da Google Play edo App Storetik, eta taldearen kodea sartu: C3737B.
