'Oarso 2022' aldizkarirako artikuluak aurkezteko epea, zabalik
Errenteriako bizitza kulturalari buruzko orotariko artikuluak 2022ko maiatzaren 15 arte jasoko dituzte, baina zenbait arau bete beharko dituzte.
2018ko 'Oarso' aldizkariaren alea. Ohi bezala, Oarso urtekariaren 2022ko alea uztailan argitaratuko da eta, horregatik, epea zabaldu dute maiatzaren 15a arte bertan argitaratzeko artikuluen proposamenak bidaltzeko. Errenteriako Udalak eta Oarso aldizkariko erredakzio batzordeak adierazi duten moduan, urtekariaren helburua Errenteriako bizitza kulturala eta aisialdikoa jasotzea da. Bide horretan, gaiak libreak diren arren; ospakizunak, urteko gertakari zein oroitzapenak, edota urteurrenak izan dira urteotan argitaratu diren zenbait gai, beste batzuen artean.
Halaber, aldizkaria elebiduna bada ere, euskarazko artikuluak bidaltzera egin dute deia; baita emakumeek parte hartzera ere. Izan ere, gutxienekoak dira bai euskarazko aldizkariak bai emakume egileak.
Oarso aldizkarian edonork hartu dezake parte, antolatzaileek azpimarratu duten moduan. Horretarako, kolaborazioak ZU! Arreta zerbitzuan edo Udal Agiritegian aurkeztu behar dira, edo oarso@errenteria.eus helbide elektronikora bidali. Horretaz gain, artikuluek zenbait arau bete behar dituzte argitaratzeko. Horiek, eskuragarri hemen.
