Pasaiako IV. Kirol Galak aurtengo sariak banatu ditu
Gehien nabarmendutako zortzi kirolariak saritzeaz gain, omenaldi berezia egin diete Itsastarrak MT, Itsas Mendi KKE eta Antxoko Korrikalari taldeari.
Atzoko Kirol Galan saritutako zortzi kirolariak, Izaskun Gomez alkatearekin. 
Iazko hutsunearen ondoren, Pasaiako kirola berriz ere elkartu zen atzo Juanba Berasategin eginiko Kirol Galaren laugarren ekitaldian. 100etik gora lagun bertaratu ziren kirol sarien ekitaldiaz gozatzera.
Omenaldi berezia egin zieten, hasteko, Itsastarrak mendi elkarteari berriki ospatu duen 70. urteurrenagatik, eta urteak lasterketa herrikoiak antolatzen daramatzaten bi klubi: Antxotarrak Lasterkari Taldea, Antxoko Gabonetako krosagatik; eta Itsas Mendi KKE, Mitxintxolako Igoeragatik.
Sarien atalean, eta kirol kluben eta eragileen proposamenak aintzat harturik, joan den urtean zehar gehien nabarmendu diren kirolari pasaitarren lorpen eta merituak golardatu zituzten:
- Pasai Donibane-Koxtape AE: Nahia Colmenar eta Maddi Olaskoaga.
- Pasaia Kayak: Laura Zunzunegi.
- Xanju Kirol Elkartea: Ander eta Mikel Aramendi anaiak.
- Antxo AF: Mauro Ayerza.
- Donibane Eskubaloia: Pedro Arrizabalaga eta Juanito Intxausti, egindako kirol ibilbidearen aitortza.
