Oiartzun kantuan jarri nahi dute otsailaren 26an
Oidultzek eta Errenteriako Herri Arte Eskolak kantu kantari aritzeko saioa antolatu dute. Eztarria erabiltzeaz gain, zuzeneko musika egongo da.
![oiartzun kantuan](https://oarsoaldea.hitza.eus/site/files/2022/01/oiartzun-kantuan.jpg)
Oidultz dultzaineroen taldeak eta Errenteriako Herri Arte Eskolak Oiartzun Kantuan antolatu dute otsailaren 26rako.
Larunbat horretan oiartzuarrak kantuan jarri nahi dituzte, zuzeneko musikarekin batera. 12:30ean elkartuko dira, Done Eztebe plazan. Eguraldi txarra egingo balu, kontzejupean berotuko dituzte eztarriak. Oiartzungo kantuzale guztiak gonbidatu dituzte parte hartzera.
Otsailaren 26ko errepertorioaren berri eman dute:
- Kontrapasa (Garaziko herria).
- Errota zahar maitea.
- Euskal Herrian euskaraz.
- Aberriaren mugak.
- Aitorren hizkuntz zaharra.
- Habanera.
- Eperrak.
- Xalbadorren heriotzean.
- Behin betiko.
- Guk euskaraz.
- Ikusi mendizaleak.