Trintxerpeko lehen Korrika batzordea egingo dute gaur
Bilkura irekia izango da, antolakuntzan interesa duen oro bertaratu ahal izateko. 19:30ean Trintxer elkartean bilduko dira.
Artxiboko irudia. 21. Korrika, Trintxerpe eta San Pedro zeharkatzen. 
Gaur, hilak 31, 2022ko lehen Korrika batzordea egingo dute Trintxerpen. Elkartzeko deialdi irekia egin dute antolatzaileek, ekarpena egiteko interesa duen edonor bertara dadin. 19:30ean Trintxer elkartean bilduko dira.
Jakina denez, apirilaren 10ean (igandea) helduko da Korrika Pasaiara, 04:32an, eta lau barrutiak zeharkatuta, 05:30a pasata utziko dute udalerria. Donibanetik San Pedrora, San Pedrotik Trintxerpera, eta azkenik Antxora arteko bidea egingo dute korrikalariek euskararen alde.
Bide horren antolakuntzan parte hartu nahi duenak horretarako aukera izango du gaur iluntzean.
