Madalensoroko asteburuko partidak (2022-02-10)
Txosteko pilotariek hiru norgehiagoka jokatuko dituzte larunbat arratsaldean, eta Oiarpekoek bost. Pala txapelketako zortzi partida izango dira.
Madalensoro pilotalekuan hiru partida jokatuko dituzte Txost pilota elkartekoek. Guztiak larunbat arratsaldean izango dira, 16:30ean hasita. Hau da erreminta erabiltzen duten pilotarien klubaren kartelera:
- Txost – Zarautz (Gipuzkoako gomazko paleta 22 urte azpiko finala).
- Txost 3 – Zumaia 1 (Teniseko Paletako Gipuzkoako Txapelketa).
- Txost 2 – Zumaia 2 (Teniseko Paletako Gipuzkoako Txapelketa).
Oiarpekoek, berriz, bost partida jokatuko dituzte etxean. Lau bihar —ostirala— arratsaldean izango dira, 18:45ean hasita. Larunbat arratsaldean jokatuko dute bestea, 19:30etik aurrera.
Girizia elkartearen pilota sailak antolatzen duen pala txapelketari dagokionez, larunbatean eta igandean launa partida jokatuko dituzte, 08:15ean hasita bi kasuetan.
Oiartzuarrei dagokienez, larunbatean Arizmendi eta Arbelaitzek Izkierdo eta Aizkorreta Errenteria-Oreretako bikotearen aurka jokatuko dute. Igandean, Markos eta Berziartuak, Larretxea eta Ibarburu Hernaniko bikotea izango dute parez pare.
Palisten norgehiagoken kartelera ikusteko, egin klik esteka honetan.
