Oiartzungo odol emaileek asteartean izango dute urteko lehen zita
Manuel Lekuona bibliotekan eman beharko dute odola. Aurretik zita hartu behar da, jende pilaketak saiheste aldera.
Oiartzungo odol emaileek urteko lehenengo zita izango dute datorren asteartean, hilak 15. Manuel Lekuona bibliotekan odola emateko aukera izango dute, 16:30etik 20:10era bitartean.
Pandemia garaian ordutegia ohi baino zabalagoa dela gogorarazi dute Oiartzungo odol emaileen elkartekoek, jende pilaketak saihesteko.
Horregatik, aldez aurretik txanda hartu behar dela nabarmendu dute. Horretarako, 943 007 885 edo 943 317 091 telefono zenbakietara deitu beharko da, asteartean bertan, 09:00etatik aurrera.
Odol emaileen elkartekoek jakinarazi dutenez, iaz asko jaitsi zen odol emaileen kopurua, eta erreserbek asko egin dute behera. Horregatik, oiartzuarrak animatu dituzte likido gorri preziatua eman dezaten, batez ere inoiz eman ez dutenek.
Abenduko datuak
- O: 8.
- O-: 5.
- A+: 7.
- A-: 1.
- B+: 2.
- B-: 0.
