Pirritx, Porrotx eta Marimotots, martxoaren 6an Lezon

Urtarrilaren 5ean egitekoa zen emanaldia martxoaren 6an egingo dute. Aurretik sarrerak hartu zituztenek horiek erabiltzeko aukera dute.

Kuikui 'Kuikui' ikuskizuna da pailazoek Lezon eskainiko dutena.

Pirritx, Porrotx eta Marimotots pailazoek Bekoerrota kiroldegian urtarrilaren 5ena egitekoa zuten emanaldia, martxoaren 6an (igandea, 12:00etan) izango dela jakinarazi du Lezoko Udalak. Osasun egoerak hobera egin duelako agin ahal izango da Kuikui ikuskizuna herrian.

Urtarrilaren 6rako sarrera erosi zutenek, ez dute deus berririk egin behar. Duten tiketarekin martxoaren 6ko emanaldira lasai asko joan daitezke. Udalak, ordea, jakinarazi du sarrera gutxi batzuk erosteko aukera dagoela, 8 euroan, udalaren sarreren salmenta zerbitzuan.

Udalak oroitarazi du kiroldegira sartzean, saioa bitartean eta eraikinetik irtetean beharrezkoa izango dela musukoa erabiltzea.

 

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.