Pasaian inauteriak ospatzeko egitarauak, barrutiz barruti
Neurri batean edo bestean, udalerriko lau barrutietan ospatuko dituzte aurten inauteriak. Hiru gai adostu dituzte: Afrika, Netflix eta musika.
Donibaneko 2018ko inauterietako artxiboko irudia. Aurtengo gaia Afrika izango dute. 
Aurten bai. Urtebeteko geldialdiaren ostean, bueltan dira inauteriak, eta haiekin, kolorez beteriko -nahiz eta egoera epidemiologikoak baldintzaturiko- egitarauak ere. Neurri batean edo bestean, lau barrutietan ospatuko dituzte jaiak; jarraian, gaurdaino San Pedro, Antxo, Donibane eta Trintxerpeko herri eragileek iragarri dutena:
- San Pedroko Inauteriak. Gaia: librea.
- Larunbatean:
- 11:00etan, haurrentzako tailerra, plazan. (Oharra: nork bere buruarina eta gurasoen kamiseta handia eraman beharko du). Ondoren, kalejira aterako da frontoira arte eta, azkenik, “sorpresa”.
- 14:30ean, helduentzako bazkaria Antxeta eta Begihaundin.
- 15:00etan, haurrentzako bazkaria Antxetan. Prezioa: 6 euro.
- 18:30ean, “denak frontoira!”.
- (Oharra: bazkarietara joateko txartelak gaur arte egongo dira salgai, establezimendu horietan bertan).
- Antxoko Inauteriak. Gaia: Netflix.
- Larunbatean:
- 18:30ean karropoteoa eta mozorro desfilea Antxoko kaleetan barrena.
- Trintxerpeko Inauteriak. Gaia: musika.
- Ohi bezala, inauterien ondorengo asteburuan (martxoaren 4tik 6ra) ospatuko dute jaia. Egitaraua, osorik, hemen.
- Donibaneko Inauteriak. Gaia: Afrika.
- Osasun neurriak bermatze aldera, jaiaren ospakizuna atzeratzea erabaki dute sanjuandarrek. Oraindik ez dute informaziorik aurreratu.
