Denetariko emaitzak izan dira oiartzuarrentzat pala txapelketan
Arizmendi oiartzuarrak bere partida irabazi du, eta hurrengo kanporaketarako sailkatu da. Hiru jardunaldi falta dira ligaxka bukatzeko.
Zutik, Etxeberria, Arizmendi, Toledo epailea, Zubeldia eta Linazasoro. Makurtuta, Esoain, Zubillaga, Larburu eta Artola. Asteburuan Euskal Herriko Pala Txapelketa Irekiko beste zortzi partida jokatu dituzte Madalensoron. Hiru asteburu besterik ez dira geratzen gizonezkoen txapelketako ligaxka bukatzeko.
Oiartzuar guztiek ez zuten zorte bera izan. Izan ere, Arizmendik —Etxeberria bikotearekin— Linazasorori —Zubeldiarekin batera jokatzen du— 25-22 irabazi zion.
Egialde oiartzuarrak asteburuan jokatu zuen, Urigoitiarekin batera, eta horiek ere galdu egin zuten. Txapelketatik kanpo geratuko da bikote hori.
Ligaxka fasea martxoaren 13an bukatuko da, eta orduan hasiko da emakumeen txapelketa. Izena emateko epea oraindik irekita dagoela gogoratu du Giriziak. Honakoak izan dira asteburuko emaitzak (asteburuko kartelera ikusteko, egin klik hemen):
Hirugarren maila
- Arizmendi — Etxeberria / Zubeldia — Linazasoro: 25-22.
- Zubillaga — Esoain / Larburu — Artola: 25-6.
- Pagoaga — Leiza / Iraola — Gonzalez: 8–25.
- Egiguren — Mendigain / Vitoria — Elizari: 25-12.
- Egialde — Urigotia / Diaz — Zelaia: 13-25.
- Alkorta — Ostolaza / Laso — Loidi: 15-25.
Lehen Maila
- Arrizabalaga — Lizarralde / Loidi – Goñi: 25-22.
- Aroztegi — Zumeta / Txoperena — Ormaetxea: 25-10.
