Zabalik dira berriro 'Mater' Ontzi Museo Ekoaktiboaren ateak
Bisitak egin ahal izango dira ostegunetik igandera. Horrez gain, hileroko jardueren egitaraua ere prestatu dute.
Mantenu lanak eginda, uretan da berriro 'Mater', bisitariak hartzeko prest. 
Mantenu lanak eginda, uretaratu berri, bueltan da Mater Ontzi Museo Ekoaktiboa, ohiko bisita ordutegi eta jarduera sortarekin. Ontzia barrutik ezagutu nahi duenak ostegunetik igandera arte izango du hartarako parada, eta bestelako irteera edo tailerrekin gozatua hartu nahi duenak, hil honetarako osatutako programaren berri ere izango du.
San Pedroko museo historikoaren ateak bisitarientzako zabalik izango dira ostegun eta ostiral arratsaldeetan, larunbatetan egun osoan zehar, eta igande goizetan. Ordutegi zehatza kontsultatzeko eta erreserbak egin ahal izateko ontzi museoaren webgunera jo daiteke.
Ohiko bisitez gain, bestelako irteera, tailer eta jarduerak ere antolatu ditu tripulazioak. Oraingoz, martxoko agendaren berri eman dute eta gaurtik hilaren 27ra arteko egitaraua antolatu dute horren baitan. Data, ordutegi eta prezioak hemen klik eginda kontsulta daitezke.
