Kultur ekitaldiak ere ttipi-ttipi etorriko dira, Korrika berotzeko
Oiartzungo Korrika Kulturalaren barruko hainbat ekitaldi antolatu dituzte. Apirilaren 9an eguna ederki girotuko dute.
Korrika apirilaren 9tik 10erako gauean iritsiko da, baina lehenago egongo da zerekin gozatu. Bi aste zehatz falta dira Korrikaren 22. ekitaldia Amurrion (Araba) has dadin. Apirilaren 10ean bukatuko da, Donostian.
Oiartzundik azken egun horren goizaldean pasatuko da. Lehenago, baina, aurreko urteetan bezala, Korrika Kulturala antolatu du Intxixu-AEK euskaltegiak, herriko udalaren eta hainbat eragileren laguntzarekin. Propio antolatutako ekitaldiak sartzen dira egitarauan, edo Korrikaren ildoarekin bat egiten dutenak.
Pasa den igandean izan zen lehenengoa, Hiru kortse, azukre asko eta brandy gehiegi antzezlanarekin. Antzerkiarekin jarraituko du, Karen Muñoz Etxebesteren Azken tragoa lanaren emanaldiekin. Bihar eta etzi izango dira. Gainontzeko ekitaldiak honakoak izango dira:
Hilak 25, ostirala
- Pintxo lehiaketa, Labore Oarsoren eskutik.
Hilak 26, larunbata
- HemenGuk-en azoka.
- Soinuenearen topaketa.
Hilak 29, asteartea
- Uhinak dokumentalaren emanaldia.
Apirilak 1, ostirala
- Zortzi ate, Joseba Sarrionandiarekin solasean.
Apirilak 2, larunbata
- Korrika klik: museoan barrena antzezlanaren emanaldia.
Apirilak 3, igandea
- Ez da kasualitatea, bertso emanaldia.
Apirilak 7, osteguna
- Hikadromoa.
Apirilak 8, ostirala
- Korrika gaztea.
Apirilak 9, larunbata
- Korrika iritsi baino lehen: kontzertuak, afaria…
