Apirilaren 24ko erromerian (igandea da) postuak jarri nahi dituztenek eskaera egin behar dute ZU! arreta bulegoan.
Apirilaren 24an ospatuko da aurtengo San Marko Eguna. Egun hori ahalik eta aberasgarriena eta osatuena izan dadin, Udala eragileekin elkarlanean hasi da egitaraua lantzeko. Bizarain mendiko gotorlekuaren inguruko erromeria berreskuratzeko asmoa dago aurten.
Egun horretan artisauek postuak jartzeko aukera izango dute. Eskaerak udaletxeko ZU arreta zerbitzuan aurkeztu beharko dira, eta horretarako, eskaera eredua bete beharko dute interesdunek. Eredu hori ZU zerbitzuan bertan edo Udaleko webgunean eskura daiteke. Era berean, tramitazio osoa webgunearen bitartez egiteko aukera izango dute interesdunek. Eskaerak aurkezteko epea irekia dago jada, eta apirilaren 1ean bukatuko da.
Udaletik zehaztu dute, argibide gehiagorako, interesdunek Kultura saileko 943 44 96 34 telefonora dei dezaketela.
