Pantaila akustikoak ezarriko ditu Gipuzkoako Aldundiak Beraunen
Arramendiko zubiaren eta futbol-zelaiaren gaineko pasabidearen artean ezarriko dira pantaila akustikoak.
Errenteria-Oreretako Arramendi Pasealekua. Gipuzkoako Foru Aldundiak zaratak saihesteko pantaila akustikoak ezarriko ditu Beraunen. GI-20 errepidean ezarriko dira hain zuzen ere, Donostiarako noranzkoan. Inbertsioa ia 2 milioi eurokoa izango da, eta 8 hilabeteko epea izango dute lanek.
Ia 4.000 pertsona inguruk jasaten dute 55dB baino gehiagoko zarata-maila gaueko ordutegian Arramendiko zubiaren eta futbol-zelaiaren ondoko gaineko pasabidearen artean bizi diren herritarrek. Aldundiaren esanetan, ezarriko diren pantaila akustikoek “egoiliarren bizi-kalitatea hobetzen lagunduko dute”.
Pantailak metalezkoak eta fonoxurgatzaileak izango dira, eta altuera gutxieneko 2 metroetatik 4 metroetara joango da. Obrak dirauen bitartean, eskuineko erreia eta bazterbidea itxita egongo dira.
