Dozena bat partida jokatu dituzte asteburuan. Oiartzungo bi bikote aritu dira, eta Arizmendi eta Arbelaitzek aurrera egin dute.
Zutik, Del Rio, Eldua, Toledo epailea, Karrera eta Olano. Makurtuta, Beitia, Juaristi, Larburu eta Artola. 
Giriziak antolatzen duen pala txapelketan hamabi partida jokatu dituzte asteburuan. Horietako hiru emakumeen ligaxketako partidak izan dira, eta gainontzeko bederatziak gizonen kanporaketa fasekoak.
Bertan Oiartzungo bi bikote aritu dira, eta bakarrak lortu du aurrera egitea. Arizmendi eta Arbelaitzek osatutakoa da hori. Vicente eta Arizabalo pasaitarrei zazpi puntuko aldeagatik irabazi diete.
Mitxelena eta Asteasuinzarra bikoteak, berriz, Nuin eta Ferreiro donostiarren kontra galdu du bere partida, sei tantogatik. Ondorioz, txapelketatik kanpo geratu dira.
Emakumeen txapelketari dagokionez, hiru jardunaldi jokatu dituzte, eta asteburu honetakoa izango da ligaxka faseko azkena. Hurrengoan hasiko dira kanporaketekin.
Gizonen Lehen Maila
- Salaberria — Huegun / Loidi — Goñi: 25-23.
Gizonen Bigarren Maila
- Urdangarin — Zubiarrain / Begiristain — Arteaga: 16-25.
- Larralde — Beloki / Luixa — Etxeberria: 23-25.
- Andueza — Rodriguez ⁄ Barinagarrementeria — Berasaluze: 25-14.
Gizonen Hirugarren Maila
- Etxabe — Txapei / Perez — Perez: 25-7.
- Arizmendi — Aranburu / Vicente — Arizabalo: 25-18.
- Laso — Loidi / Areiza — Olasagasti: 25-21.
- Beitia — Uaristi / Larburu — Artola: 25-14.
- Nuin — Ferreiro / Mitxelena — Asteasuinzarra: 25-19.
Emakumeen Txapelketa
- Gartziandia — Balzola / Eizmendi — Balerdi: 4-25.
- Agirre — Murua / Rekalde — Anza: 25-8.
- Olano — Karrera / Del Rio — Eldua: 25-12.
Zutik, Larralde, Beloki, Bidegain epailea, Luixa eta Etxeberria. Makurtuta, Gartziandia, Balzola, Balerdi eta Eizmendi.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
