Datorren apirilaren 7an, auzo-konpostajearen bilera orokorra
Bi urtez ezin ospatu izan ondoren, 2021ko balorazioa egiteko eta datozen hilabetetako berrikuntzak aurkezteko elkartuko dira.
Auzo-konpostajearen bilera orokorra egingo dute datorren astean, bi urteren ostean. Pandeia dela-eta, pare bat urtez bertan behera uztera behartuta egon ondoren, Lezoko Udalak auzo-konpostaren bilera orokorra berreskuratuko du. Horrelako bilkurek herriko auzo-konpostajearen proiektuaren urteko balorazioa egitea dute helburu. Gaur egungo baldintzei erreparatuta, beraz, bilera orokorra apirilaren 7an ospatuko dute, alegia, datorren ostegunean. Hitzordua arratsaldeko 19:00etan finkatu dute, Lezoko Kultur Aretoan.
Ohi bezala, 2021eko auzo-konpostajearen laburpena egingo dute, datozen hilabeteetan proiektuak izango dituen nondik-norakoak azaltzearekin batera. Hori dela eta, orain artean proiektuan parte hartu dutenei eta balizko interesdunei egin die dei udalak. Hortaz gain, Lezoko udalak 647 057 402 Whatsapp zenbakia zein helbide elektroniko hau jarri ditu eskura, proiektuaren inguruko kezka edota zalantzak argitzera begira.
2020ko urtarrilean ospatu zen azkeneko bilera orokorra, 2019ko proiektuari amaiera emateko.
