[Galeria] Batelak: Gipuzkoako lau liga, San Juanenak eta Hibaikarenak
San Juanek herrialdeko hiru liga eskuratu ditu, eta Hibaikak emakumeen nagusia Bihar, Gipuzkoako Txapelketa.
Gaur izan da jokoan, Donibaneko eremuan eta San Juan-Koxtapek antolatua, Gipuzkoako Batel Ligako 11. jardunaldia (10. estropada izan da, Getariako martxoaren 20koa bertan behera gelditu zelako). Bertan, Oarsoaldeko ontziek hiru garaipen lortu dituzte, hirurak San Juanenak: mutilen Promesa Mailakoa, eta Gazteetan gizonena eta emakumeena. Emaitza horiengatik, eta aurreko estropadetan lortutakoengatik, San Juanek Gipuzkoako Liga irabazi du hiru kategoria horietan. Horri, nesken Absolutuetan Hibaikak lortu duen ligako garaipena erantsi behar zaio (gaur bigarren izan dira errenteriarrak, Hernaniren atzetik). Aldi berean, gizon Absolutuetan, gaur eta ligako sailkapen nagusian bigarrena izan da San Juan.
Horiez gain, Oarsoaldeko beste hainbat ontzi izan dira lehian gaur eta liga osoan zehar, baita Gipuzkoako beste txokoetakoak ere. Beheko esteketan, ligari dagozkion sailkapen ofizialak ikus daitezke.
Gaurko eta Ligako emaitza orokorrak ikusteko, hemen bi esteka:
- Gipuzkoako Batel Liga. 11. jardunaldiko estropadaren emaitzak (gaurkoa, Donibanen).
- Gipuzkoako Batel Liga. 2022ko sailkapen nagusia.
Gipuzkoako Txapelketa
Gaur, Ligako azken jardunaldia. Eta bihar, Gipuzkoako Txapelketa: 10:00etan hasiko dira, gaurko estropada eremu berberean (Donibanekoan) herrialdeko txapelketari dagozkion estropadak. Ligako emaitzei erreparatuz, esan daiteke aukerak daudela hainbat txapela etortzeko Oarsoaldera. Itsasoan arraun egin behar da lehenik, ordea, esandakoak egin bihurtzeko.
Biharko txapelketako estropadak lau kalera egingo dituzte (gaurko jardunaldian binaka atera dira batelak). Kluk bakoitzak, kategoria bakoitzean, ontzi bakarra aurkeztu ahal izango du.
Jarraian, gau goizeko hainbat irudi, Jose Campano Etxarri sanjuandarrak HITZArentzat ateratakoak.
