Pasaia Itsas Festibaleko ontzi handienetako bat aurkeztu dute
'Marite' 100 urtetik gorako belaontzi frantziarra San Pedroko kaian egongo da amarratuta maiatzaren 26tik 29ra bitarte.
San Pedroko kaian egongo da amarratuta 'Marite' belaontzi frantziarra. 
Pasaia Itsas Festibaleko arduradunek maiatzaren 26tik 29ra bitarte udalerrian ikusgai egongo den ontzi handienetako bat aurkeztu berri dute: Marite, 100 urtetik gorako belaontzi frantziarra. San Pedroko kaian egongo da amarratuta.
Ehun urtetik gorako goleta horrek ia 45 metroko luzera, hamasei bela eta hiru masta ditu, guztira 650 metro karratu oihal inguru behar dituelarik. 1923an Fecampen (Normandia, Frantzia) eraiki zen bakailao ontzi gisa, eta harrezkero urtero Kanadako kostaldera abiatu da bakailaoa arrantzatzera.
Ontzia zurez dago eraikita, eta 250 tonako pisua du guztira. Bertan 5 edo 6 tripulatzailek nabiga dezakete, eta 70etik gora bidaiarik haiekin.
