Aiako Harria Mendi Martxa eta lasterketa antolatu du Arritxulok
Arritxulo atxerpetxean hasi eta bukatuko den ibilbide zirkularra maiatzaren 8an egingo dute.
Oiartzungo Arritxulo aterpetxea. Aiako Harria mendi martxa eta lasterketa antolatu du Arritxulo Mendi Aterpetxeak. Ibilbidea aterpetxean bertan hasiko da, eta, zirkularra izango denez, leku berean amaituko da. Maiatzaren 8an ezarri dute hitzordua, eta bidean Errengako eta Bianditzeko magalak eta Oielekuko mairubaratza ikusteko aukera izango dute ibiltariek.
Martxa lasterketan parte hartzeko bi modu eskainiko dira. Batetik ibilaldi neurtua, eta bestetik, mendi-lasterketa. Ibilbidea berdina izango da bi kasuetan eta, amaitu ostean, bazkaria eskaini eta opariak zozketatuko dira aterpetxean.
Izena emateko epea zabalik dago. Informazio gehigarria eskuratu nahi duenak, badu hemen klik egitea.
