Asteartean odola ematera deitu dute
Oiartzungo odol emaileek bi hileroko zita izango dute. Aldez aurretik txanda eskatu beharko da, jende pilaketak saihesteko.
Oiartzungo odol emaileek bi hileroko zita izango dute datorren asteartean, hilak 12. Osasun egoera hasi eta utzi zuenetik egin duten bezala, Manuel Lekuona bibliotekan izango da odol ematea.
Bertan egongo dira 16:30etik 20:10era bitartean. Jendea ez pilatze aldera, txanda hartu beharko da lehenago. Horretarako 943 007 885 edo 943 317 091 telefono zenbakietara dei daiteke, asteartean bertan, 09:00etatik aurrera.
2021ean odol emate kopurua asko jaitsi zela jakinarazi dute, eta horregatik animatu dituzte oiartzuarrak, odola eman dezaten. Ordutegia zabaltzea ere horren ondorioz da.
Otsailaren 15eko saioan 53 lagunek eman zuten odola. Horietatik lau izan ziren berriak. Horrela sailkatu ziren, odol taldeen arabera:
- O+: 23.
- O-: 8.
- A+: 15.
- A-: 5.
- B+: 1.
- B-: 0.
- AB+: 1.
