Udako Oporrak programan izena emateko epea zabalik da
Hilaren 11tik 15ra arte izen-emateak telematikoki egin beharko dira.
Udako Oporren aktibitateetako bat. Udako Oporrak programarako plaza libreak daude oraindik. Errenteriako Udalak 818 plaza eskaintzen ditu eta, momentuz, 530 familiek eman dute izena. Izena emateko asmoa dutenek, ZU! Zure Udala arreta-zerbitzuan egiteko aukera dute. Astelehenetan 7:30etik 14:00etara, asteazkenetan eta ostiraletan 7:30etik 15:00etara, eta astearte eta ostegunetan 7:30etik 19:00etara. Horretarako, ezinbestekoa izango da aldez aurretik hitzordua eskatzea 943 44 96 00 zenbakira deituta, edo 010 telefonoetan.
Bestetik, hilaren 11tik 15era arte izen-ematea soilik telematikoki egingo dela jakinarazten du Udalak. Interesdunek hemen klik eginez sartu ahal izango dira webgunera.
Errenteriako Udalak programa ezberdinak izango ditu martxan udan. Txikiak programa 2016 eta 2018 bitartean jaiotako haurrentzat izango da, Handiak programa 2012 eta 2015 bitartean jaiotakoentzat, 2009 eta 2011 bitartean jaio zirenentzat Errenteabentura, eta, azkenik, 2006 eta 2008 bitartean jaioetakoek Beireko kanpamenduaz gozatzeko aukera izango dute.
Zalantzak izanez gero, interesdunek badute emaila bidaltzea hemen klik eginez edo 943 44 96 06 zenbakira deituz.
