[Galeria] Oiartzungo Korrika Txikiak 'txikitik' izena bakarrik du
Elizaldeko eta Haurtzaroko ikasleek Korrika Txikia egin dute, lekukoa eskuz esku pasatuta. Izerdia eta aldarria nahastu dira.
Oiartzungo ikastetxeetako ikasleek eraman dute lekukoa. Gaur arratsaldean ospatu dute Korrika Txikia. Elizalde Institutuko eta Herri Eskolako zein Haurtzaroko ikasleek elkarrekin egin dute euren ikastetxeen artean dagoen biribilgunea eta udaletxearen arteko bidea.
Ez dute bide motzena hartu: Ugaldetxo eta Iturriotz auzoetatik pasatu da euskararen aldeko aldarria. Eskuz esku pasatu dute, ikastetxeak txandakatuz.
Ibilbide guztian zehar jaso dituzte senide eta ezagunen txaloak. Done Eztebe plazara iristean, gainera, saria izan dute: txokolatea banatu dute parte-hartzaileen artean.
Korrika handia igande goizaldean iritsiko da Oiartzunera, baina gaurkoak izena bakarrik du txikia.
[Bideoa, azpian]
