[Galeria] Korrikaren zain, jendetza bildu da Zumardian
Jendea gogoz dago Korrika herrira iritsi eta lasterka hasteko. Afaria jendetsua izan da, eta Korrika iritsi bitartean, DJ Bullek Zumardia girotuko du.
Jendetza bildu da afarian. Ordu gutxi falta dira Korrika Errenteria-Oreretara iristeko, eta dagoeneko antzematen da herrian dagoen giroa.
Jendea gogotsu dago Korrika herrira iritsi eta euskararen alde lasterka hasteko.
Eguneko egitaraua arratsaldeko 19:00etan hasi bada ere, egun guztian zehar herria jendez lepo egon da. 19:00etan ireki da Zumardiko Korrikako karpako barra, eta jendea bertara bertaratzen hasi da pote batzuk hartzeko.
Ondoren, Irati Jauregi eta Gardokiren musika emanaldiak poteoa girotu du, eta kontzertua bukatutakoan afarien txanda izan da.
180 pertsona bildu dira karpan Korrikari ongietorria emateko, eta giroa, nola ez, aparta izan da. Afarien ondoren, DJ Bullen txanda izango da, eta 00:30etik aurrera, Korrika etorri bitarteko uneak girotuko ditu bere musikarekin.
