Delitu salaketek behera egin dute azken urtean
Eusko Jaurlaritzak egindako 'Eusko Jaurlaritzak Euskadiko Delinkuentziaren 2021eko Memoria-n' jaso dituzte azken datuen analisia.
Pasaian delitu salaketek %1,34 egin zuten behera iaz Eusko Jaurlaritzak Euskadiko Delinkuentziaren 2021eko Memoria-n jaso duenez. Iaz, 737 salaketa zenbatu zituzten eta 2019ean 747 izan ziren. %5,08tik %23,35erako igoera izan zuten garai berean datu horiek, beraz beherakoa da noranzkoa.
2020etik 2021era igoera txiki bat antzeman zuten salaketetan, 684 delitutik 737era hain zuzen ere; %8,89ko igoera izan zen. Era berean, salaketen egonkortasun egoera mantendu egin zela adierazi dute, “kontuan harturik aldaketa batez ere ebasketen gorakadak eragin zuela”. 53 delitu izan ziren ebasketei dagokienak. Egonkortasun edota euste egoera horrek kontrastea egiten duela inguruko udalerrien datuekin azaldu du udalak, horietan %20ko igoera egon baita batez beste.
Bestalde, txostenak delituen tipologia ere aztertu du eta lapurretak 101 izatetik 175 izatera pasa dira. Indarkeria erabiliz egindako lapurretak 159tik 141era jaitsi dira, pertsonen osotasunaren aurkakoak 31tik 20ra igaro dira, droga trafikoaren aurkako delituak 12tik 6ra, eta iruzurrak 164tik 133ra. Azken kasu horietan beherakada lotuta dago pandemian nabarmen hazi ziren delitu informatikoen murrizketarekin.
Izaskun Gomez alkateak datu hauen balorazioa egin du eta “positibotzat” jo ditu. “Delitu larrienetan segurtasuna hobetzeak agerian uzten duela hartutako neurrien eraginkortasuna, eta komeni dela Udaltzaingoaren oinezko patruilak areagotzen jarraitzea eta ebasketei arreta berezia eskaintzea”.
