Easo Minikopa, Bekoerrotan
Larunbatean eta igandean, goizetik arratsera, Easo Minikoparen barruko Kimu Mailako partidak jasoko ditu herriko kiroldegiak.
Saskibaloiko Easo Minikoparen bederatzigarren ekitaldia, eta Easo Babykoparen laugarrena izango dira jokoan asteburuan Easo Saskibaloi Taldeak antolatuta. Batez ere Donostian jokatuko dituzte partidak. Baina Lezoko Bekoerrotak ere jasoko ditu txapelketa horrerako norgehiagoak, zehazki, Minikopakoak: Kimu Mailako taldeak izango dira herrian larunbat eta igandean. Txapelketa horretan askotariko jatorria duten 50 bat taldek emana dute izena, eta horietatik mordoska bat izango dira herrian, zehazki, Kimu Mailakoak.
Larunbat eta igandeko partidak 09:30ean hasi eta 19:30 inguruan bukatuko dira, ordutegi jarraituarekin. Honakoak dira herrian izango diren taldeak:
Nesken taldeak:
- Easo Larrun, Hendaia, San Ignacio, Easo Urbia, Oncineda, Zast A, Askartza, Babieca eta Zast B
Mutilen taldeak:
- Easo Kukuarri, Ointxe, Loiola Indautxu, El Sotillo, Easo Onyi, San Ignacio, Leioa eta Iraurgi.
