Ostiralera arte eman daiteke izena Axular Pala Txapelketan
Axular tabernan dago inskribatu ahal izateko orria. Hilaren 29an, 15:00etan, bukatuko da parte hartzeko aukera.
Zenbait pala jokalari, Antxoko Biteri plazako pilotalekuan. 
Aurten berriro ere antolatuko da Axular Pala Txapelketa, eta dagoeneko zabalik dute antxotarrek izena emateko aukera. Kirolariak Axular tabernara hurbildu beharko dira inskribatu ahal izateko, datorren ostiraleko (hilak 29) 15:00ak baino lehen.
Neska eta mutilen kategorietan banatu dute txapelketa. Parte hartu nahi duenak zein posiziotan jokatzen duen zehaztu beharko du, eta horren baitan elkartuko dira bikoteak.
