Tai Chi eskolak, larunbatean Fanderian
Tai Chiaren Nazioarteko Eguna dela eta, saio bereziak antolatu dira larunbatean Fanderiako kirol instalazioetan, 10:00etatik 11:00etara.
Tai Chi saio bat antolatu dute larunbatean. Apirilaren 30ean, larunbata, Tai Chiaren Nazioarteko Eguna dela eta, eskola berezi bat antolatu dute aire librean, Fanderiako kirol instalazioetan, 10:00etatik 11:00etara.
Tai Chia mundu osoan jende askok praktikatzen duen arte martziala da. Jarduera horrek onura handia dakarkio praktikatzen duenari, gorputzean zein buruan, barne hartzen duen meditazioagatik.
Onura horiek denbora laburrean dira begi bistakoak. Poliki eta leun egiten den ariketa bada ere, gorputzeko gihar guztiak landu daitezke, eta, gainera, indarra, malgutasuna, eta oreka bezalako beste faktore batzuk ere kontuan hartzen dira.
Larunbateko Tai Chi eskola doakoa da parte hartu nahi dutenentzat, eta ez da beharrezkoa Errenteria-Oreretako kirol instalazioetako abonatua izatea. Horrez gain, eskolan parte hartzeko, ez da beharrezkoa aldez aurretik izena ematea.
