Zabalik da 2022ko udaleku irekietan izena emateko epea
Matrikulatze epea maiatzaren 13ra bitarte egongo da zabalik. 2012 eta 2017 urte bitartean jaiotako haurrek parte har dezakete.
Hainbat haur eta gazte azken Korrikaren egunean, Donibanen jolasten. Artxiboko irudia. 
Pasaiako 2022ko udaleku irekietan izena emateko epea zabalik da, maiatzaren 13ra bitarte. Pasaian erroldatuta dauden edo bertan ikasten duten 2012 eta 2017 urte bitartean jaiotako haurrek parte har dezakete udako egitasmoan.
Uztailaren 1etik 29ra bitartean, biak barne, tailer, jolas, eskulan, txango, antzerki eta bestelako jarduerekin gozatua hartuko dute gazteek. Ordutegia honakoa izango da: 9:30etik 13:00etara, astelehenetik ostiralera.
Matrikulei edo kuotei buruzko informazioa, nahiz izena eman ahal izateko argibideak udalaren web atarian topa daitezke, hemen klik eginda.
