XXXIII. Eskolarteko Ibilaldi Neurtua, Lezon
Xoxolurrek Oarsoaldeko eta Bidasoko Eskolarteko XXXIII. Ibilaldi Neurtua antolatu du maiatzaren 8rako. Herriko historia eta ondarea ezagutaraziko dute.
Lezoko Xoxolur Mendi Klubak, lezoarren eta beste hainbat eragileren laguntzarekin, Oarsoaldeko eta Bidasoko Eskolarteko XXXIII. Ibilaldi Neurtua antolatu du maiatzaren 8rako (igandea da). Eskolarteko Mendi Lehiaketen barrukoa da jarduera, eta 2020an egitekoa zen: pandemiaren hasierak bertan behera utz arazi zuen, eta bi urte geroago berreskuratuko du Xoxolurrek. Maiatzaren 8kom 08:30etik 09:00etara joango dira irteten taldeak Gurutze Santuaren plazatik.
Jaizkibel izango du etxe mendi martxak, bi biderekin: motza eta luzea. Izaera berezikoak izango dira bi ibilbideak. Izan ere, Xoxolurren asmoa izan da mendizaletasuna Lezoko historia, ondare, eta jaietako pertsonaiekin uztartzea. Horregatik, bidean zehar hainbat gune ezarriko dituzte, honakoak: Trapujale, Marinazkane eta Zikikuak; Korri, Xalto ta Brinko; Zabarre eta piratak; Trabajadoriak barrakoietan… Bukaeran, Gurutze Santuaren plazan, Maria Labaienen gunea izango da, bere sagardo kupelarekin.
Lan handia egin dute Xoxolurrekoek jarduerak ahalik eta zabalkunde gehien izan zezan. Hala, eta besteak beste, ikastetxeetan banatzeko argibide kartel eta eskuorriak prestatu dituzte, eta aldi berean, herriko eragile, talde eta norbanakoekin harremana egin dute antolakuntza lanak behar bezala egiteko
