[Kartelera] Touringeko mutilek ezin izan zuten igoera lortu larunbatean
Larunbateko berdinketak igoera atzeratzea eraman badu ere, gorritxoek dena alde dute igoera lortzeko. 9 punturen faltan, 8ko abantaila dute Elgoibarrekiko.
Touringek ezin izan zuen Allerru menpean hartu. Touringeko mutilek 3. mailarako igoera gertu zutenean, Allerruk azken minutuan sartutako gol batek ilusio eta gogo horiek errotik zapuztu zituen. Aurrez, bigarren den Elgoibarrek bina berdindu zuen Irunen Real Unionen aurka, eta gorritxoek dena alde zuten larunbatean bertan igoera lortzeko, baina azkenean ezin izan zuten ametsa egi bihurtu. Dena den, Touringek sendo jarraitzen du lidergoan, eta denboraldia bukatzeko soilik hiru partida geratzen direnean, gorritxoek zortzi puntuko abantaila dute Elgoibarrekiko eta egoera alde dute igoera lortzeko.
Eskubaloian Ereintzako mutilek 27-29 irabazi zuten Tolosan, eta denboraldi bukaera onari jarraipena eman zioten.
Areto futbolean gauzak ez ziren nahi bezala atera Ostikorentzat. Denboraldi zail eta luze baten ondoren, Ostikok mailari eusteko erronka gertu zuen. Horretarako, garaipena eskuratu behar zuen larunbatean Martuteneren aurka, baina markagailuan aurretik joan baziren ere, ezin izan zuten partida aurrera atera eta azken momentuan galdu zuten (3-2). Dena den, arerio zuzena den Mondratek 8-3 galdu zuen Billabonan, eta jardunaldi baten faltan, mailaz mantentzea Ostikoren esku dago. Azken jardunaldian garaipena edo Mondrateren emaitza bera lortzen badute, Ostiko Lehen Mailako taldea izango dira datorren urtean.
Saskibaloian Oiarsoko talde seniorrek ez zuten asteburu ona izan, eta denek galdu zituzten jokatutako partidak.
FUTBOLA
Emakumeen Ohorezko Erregional Maila
- Amaikak Bat 0-1 Touring.
Gizonen Ohorezko Erregional Maila
- Touring 1-1 Allerru.
Gizonen Lehenengo Erregionala Igoera Fasea
- Touring 5-0 Lazkao.
Gizonen Lehenengo Erregionala Kopa
- Trintxerpe 5-1 Beti Ona.
Jubenilen Ohorezko Maila Igoera Fasea
- Touring 1-3 Zumaiako.
Jubenilen Lehenengo Maila Igoera Fasea
- Beti Ona 4-1 Elgoibar.
Jubenilen Lehenengo Maila Kopa
- Touring B 4-2 Dunboa Eguzki A.
- Dunboa Eguzki B 3-2 Orereta Kafea.
- Antigua Luberri 5-1 Touring A.
Gizonen Ohorezko Kadeteak Igoera Fasea
- Real Union 2-1 Beti Ona.
Gizonen Ohorezko Kadeteak Iraupen Fasea
- Arrasate 1-1 Touring.
Emakumeen Kadeteen Lehengo Maila Kopa
- Urnieta 13-1 Touring.
Gizonen Kadeteen Lehengo Maila Igoera Fasea
- Touring A 0-1 Martutene A.
- Beti Ona A 1-2 Zarautz A.
Gizonen Kadeteen Lehengo Maila Kopa
- Touring B 2-6 Allerru.
- Beti Ona B, atsedena.
- Orereta Kafea 4-6 Oiartzun B.
ESKUBALOIA
Espainiako Lehen Maila
- Tolosa Eskubaloia 27-29 Ereintza Aguaplast.
Gipuzkoako jubenil neskak
- Ereintza Aguaplast 32-19 Urnieta Kamox Precision Machining.
ARETO FUTBOLA
Gizonen Lehenengo senior maila
- Martutene La Terraza 3-2 Ostiko Ore Esports.
Gizonen Hirugarren senior maila
- Gamon Tanatorios Oarso, atsedena.
SASKIBALOIA
Emakume seniorren Lehenengo Maila
- Take 46-39 Oiarso SKT.
Junior Emakumeen Errendimendua
- Goierri Uz Baleike 70-33 Oiarso SKT.
Junior Gizonen Errendimendua
- Oiarso SKT 50-56 Aloña Mendi.
