Zabalik da Tomas Garbizun izena emateko epea
Jada ikasle direnek hilaren 13ra arte eman dezakete izena; berriek, berriz, hilaren 23tik 27ra egin behar dute matrikula.
Lezoko Udalak jakinarazi du Tomas Garbizu Musika Eskolan 2022/2023 ikasturterako izen emate epea zabaldu dutela. Ikasle ofizialek (jada matrikulatuta daudenek) hilaren 13ra arteko tartea dute hurrengo ikasturtean herrian musika jarraibideak ikasten segi nahi dutela adierazteko (Internet bidez ere egin dezakete); ikasle berrientzat izen emate epea hilaren 23an zabalduko da, eta 27an bukatu. Irailaren 5ean hasiko dute 2022/2023 ikasturtea.
Hurrengo ikasturterako ere eskaintza oso zabala izango du Tomas Garbizuk. Hala, eskaintza orokorrean musika eta mugimendua; musika mintzaira; hezkuntza musikala; talde instrumentala; eta talde korala arloak dituzte.
Instrumentuen eskolak ere, askotarikoak. Honako musika tresnekin has edo trebatzen jarrai dezakete ikasleek: trikitia, panderoa, pianoa, klarinetea, saxofoia, txistua, flauta, perkusioa, biolina, biola, akordeoia, tronpeta, gitarra, bateria, gitarra elektrikoa.
Tomas Garbizu Musika Eskolarekin harremana egiteko bideak:
- Aurrez aurre: astelehenetik ostiralera 16:30etik 20:00etara.
- Telefono zenbakia: 943 52 99 99.
- Posta elektronikoz.
