Mendekosteak, ekainaren 3tik 5era
Joan den asteko astearteko Jai Batzordeak herriko lehen festekin aurrera egitea erabaki zuten. Egitaraua fintzen ari dira orain.
Joan den asteko Jai Batzordean hartu zuten erabakia Lezoko eragileek: aurten bai, Mendekoste Jaiak izango dira herrian. 2020an eta 2021ean ez ziren egin pandemiagatik. Ekaineko lehenengo asteburuak jasoko ditu (hil horretatik 3tik 5era) eskualdeko lehen festa handiak. Herriko taldeak jada horren prestaketan ari dira buru-belarri.
Ion Pombar Kultura zinegotziak HITZAri esan dionez, astearteko batzarrean hitz egindakoaren arabera, pandemia aurretik mendekosteek zuten izaera mantenduko dute, eta saiatuko dira egitaraua ahalik eta antzekoena izaten. Edonola ere, egitarauaren zehaztasunik ez da oraindik, jaiak asteko hilabete pasatxo falta delako oraindik. «Jaietako ekitaldien zerrenda dugunean, herritarrei jakinaraziko diegu», azaldu du Pombarrek.
Beraz, piraten esku geldituko da mendekosteekin Lezo ekainaren 3an hasi (ostirala da) eta 5eraino.
