2022ko Kuadrillategi Eguna, larunbatean Pasai Antxon
Oarsoaldeko lau herrietako Kuadrillategi egitasmoko gazteek bat egingo dute Ibaiondo pilotalekuan. Bertan, jolasean emango dute eguna.
![](https://oarsoaldea.hitza.eus/site/files/2022/05/ktg-eguna-2019.jpeg)
2022ko Kuadrillategi Egunak Pasai Antxoko Ibaiondo pilotalekua hartuko du datorren larunbatean. Oarsoaldeko lau herrietako kuadrillategitar gazteek bertan bat egingo dute 11:00etan, eta 17:00ak bitarte, jolas, bazkari eta musikarekin gozatzeko tartea izango dute.
Eskualdeko 12-16 urte arteko 400 gazte elkartzen ditu Kuadrillategik ostiraleroko saioetan, eta horiek guztiak gonbidatuta daude larunbatekora. Horra hor Kuadrillategi Egunerako lau herrietako hezitzaileek osatutako batzordeak osatu duen egitaraua:
- 11:00etan, pasaitarrek harrera egingo diete frontoian gainerako herrietako gazteei.
- Segidan, gazteak taldekatu eta joko eta jolasen tartea hasiko da. Ginkana, olinpiadak eta abar egingo dituzte.
- 13:30etik 15:00etara, bazkaria.
- 15:00etatik 17:00etara, DJ UMEren musika emanaldia.
- 17:00etan, agurra egingo diete pasaitarrek gainontzeko gazteei.