Elkar zaintzen jardunaldiak, maiatzean Xenpelar Etxean
Duintasuna eta Gipuzkoa Senideak elkarteek antolatuta, zaintzan sakontzeko lau saio antolatu dituzte bihartik aurrera.
![Zaintza](https://oarsoaldea.hitza.eus/site/files/2021/04/eskuak.jpg)
Duintasuna eta Gipuzkoa Senideak elkarteek antolatuta, elkar zaintzen jardunaldiak prestatu dituzte Xenpelar Etxean maiatzean zehar. Jardunaldien aurkezpena bihar (osteguna) izango da, 18:00etan, eta ondoren Yo no soy de aquí film laburra proiektatuko da. Jardunaldien jarraipena maiatzaren 11n, asteazkena, izango da, 18:00etan, eta Gipuzkoako erresidentzien gaia izango dute hizpide langile eta senideekin.
Hirugarren saioa hilaren 18an, asteazkena, izango da, 18:00etan. Bertan zaintzaileei zuzendutako esku hartze programetara hurbiltzeko hitzaldia egingo da Matia Fundazioko langile den Nerea Galdonarekin. Laugarren eta azken saioa hilaren 26an, osteguna, egingo da, 18:00etan. Egun horretan zahartze aktibo eta osasungarrirako terapia okupazionalari buruz mintzatuko dira Elkarte Terapia Okupazionalaren Elkarte Profesionalen (ETOLE) kideak.