2022ko udako kirol jardueren eskaintza abian da
Eskualde mailan nahiz herriz herri, argitaratu dute aurtengo kirol eskaintza. Lezon, Bekoerrota edo Altzaten izena emateko aukera egongo da.
Aurtengo ekimeneko kartela. Urtero legez, Oarsoaldeako lau udalek 2022ko udako kirol jarduerak aurkeztu dituzte dagoeneko, Udako Kirol Kanpaina izenpean. Adin guztietako herritarren bizi kalitatea hobetzeko xedez, kirol aukera zabala eskainiko dute. Eskualde mailako jardueren arten, uretako kirolak eta mendi bizikleta ikastaroak antolatu dituzte. Herriz-herri zein eskualde mailako ikastaroak, ikusgai daude eskuorri honetan. Egutegia, adinak, prezioak, zein telefono kontaktuak ageri dira bertan.
Lezon ere, aukeratu beharrean
Lezon, ordea, top kirola, igeriketa, gimnasia erritmikoa zein Eskalada egiten ikasteko zerbitzuak eskainiko dute.Haur eta gazteei bideratutako ikastaroak (Top kirola, igeriketa, gimnasia erritmikoa, gimnastika akrobatikoa, dantza eta eskalada) astelehenetik ostiralera izango dira, eta 40 eta 85 euro artean balioko dute. Helduei bideratutakoak (osasuna zein ongizatea eta igeriketa), aldiz, talde itxiak izango dira, eta normalenean astean bi saioko ikastaroak izango dira. Gimnasia eta dantza ikastaroen inguruko informazioa Tximeleta taldeak eskainiko du; eta gainontzekoena, BPXport Lezo enpresak.
Horren harira, udalak interesa duten herritarrek izena ematera Bekoerrota edo Altzatera hurbildu beharko dutela ohartarazi du, eskuorrian ageri diren bideetatik izena eman ezean.
