Donibane eta San Pedroko motoraren pantalanak berrituko dituzte
Lanek irauten duten bitartean atrakalekuak Santiago plazara eta Sanpedrotarra AEren klubera lekualdatuko dira.
San Pedroko pantalanaren argazkia. 
Egunero San Pedro eta Donibane lotzen dituen motoraren atrakalekuak zaharberritzeari ekin dio Pasaiako Portuko Agintaritzak (PPA). Obrak egiteko aurrekontua ia 243.000 eurokoa da, eta geltokiak behin-behinean aldatu beharko dira.
Datorren astean ekingo diete lanei, eta hilaren bukaerarako prest egotea da aurreikuspena. Obrak bukatu artean, motoraren ibilbidea behin-behinean desbideratuko da, eta beraz, datorren asteazkenetik (hilak 11) hurrengo astelehenera (hilak 16) Donibaneko atrakalekua Santiago plazako pantalanera eramango da. San Pedrokoa, aldiz, Sanpedrotarra klubarena izango da hilaren 17tik 23ra bitartean.
Ontziraleku berriak aluminioa eta zur teknologikoa erabiliz eraikiko dira, PPAk iritzirik “ingurumena gehiago errespetatzen duten materialak” direla horiek, eta egitura berria prest egongo da 20 tona arteko kargak jasateko.
