Euskal rockak Donibane hartuko du bihar
Andoni Oilokiegi sanjuandarraren El quinto con tenedor taldeak, Elizabeltzek eta Kuartzek kontzertuak eskainiko dituzte 22:00etan.
Donibaneko Bixi-Bixi elkarteak Bixi Rock jaialdia antolatu du biharko (larunbata). Horren kariaz, Andoni Oilokiegi artista sanjuandarraren El quinto con tenedor taldea, Elizabeltz eta Kuartzekin batera, oholtzara igoko da.
22:00etan ekingo diote rock jaialdiari, Juanba Berasategin. Interesa duenak sarrerak Meipi eta Remos tabernetan eskura ditzake. Aretoan ere salgai jarriko dituzte txartelak egunean bertan.
Musika gutxi balitz, kamisetak ere salgai jarri ditu Oilokiegik. Alboko irudikoa da diseinua, eta 15 eurogatik erosi ahalko dira S, M, L, XL, eta XXL neurrietan.
