Añarbe Erreserba Eremua izendatzeko eskaera egin du Eguzkik
Talde ekologistak izendapenak bertako fauna eta floran ondorio positiboak izango dituela babestu du.
Añarbe Erreserba Eremua izendatu nahi du Eguzkik. Eguzkik Errenteria-Oreretako Añarbe Erreserba Eremua izendatzeko eskaera egiteko eskatu dio Errenteriako Udalari. Talde ekologistak, lehenik eta behin, bere poza adierazi nahi izan du udalak azken asteotan iragarri zuenagatik. Izan ere, Añarben kalteak saihesteko hainbat neurri onartu izan ditu udalak orain dela gutxi. Hala ere, 2009ko azaroan Tokiko Gobernu Batzarrak erabaki zuenarekin jarraitzea eskatu dio taldeak udal gobernuari. Urte horretan, Udalaren proposamena eta Añarbeko Erreserba Eremuaren mugaketa onartu zuen udalak.
Ikusita oraindik Erreserba Eremua izendapena ez dela heldu, Eguzkik udalari eskatu dio erantzukizuna duten administrazioen aurrean jarrera konbentzigarriagoa izateko, izendapen hori ahalik eta azkarren jasotzeko.
