Umeentzako udako kirol ekintzetan izena emateko epea, zabalik
Igeriketa, padela, tenisa, kirol kampus eta dance aktibitateak antolatu dituzte umeetarako.
Tenisa da egin daitezken aktibitateetako bat. 2022. urteko udako kirol ekintzetan umeak apuntatzeko epea zabalik da. Ekintza ezberdinak egingo dituzte polikiroldegiaren arabera. Gauzak horrela, Fanderiako kiroldegian igeriketa, padela eta tenisa egin ahal izango dute umeek. Bestetik, Galtzarabordako kiroldegian igeriketa ere egiteaz aparte, kirol kampus egin ahal izango dute (6-8 urte eta 9-12 urte bitarteko bi taldetan separatuta), eta baita ere Dance (aurrekoan bezala bi taldetan banatuta, batetik 6-9 urte bitarteko umeak, eta bestetik 10-14 bitartekoak).
Esan bezala, epea irekita dago, eta plazak izen-ematearen hurrenkeraren arabera esleituko dira. Igeriketa ikastaroetan parte hartzeko umeek aldez aurretiko proba bat egin beharko dute.
Hortaz aparte, Oarsoaldeko ekintza bateratuaren berri izango dute kiroldegietako harreretan. Esaterako, arrauna, bela, BTTa, Paddle Surf, urpekaritza eta piraguismoa egiteko aukera dago. Azken kasu honetan, San Pedroko Kalparratik eta Pasai Donibanetik egingo dira irteerak.
Informazio gehiago eskuratu nahi dutenek badute Fanderiako kiroldegiko harrerara (943 34 44 23) edo Galtzarabordako kiroldegiko harrerara (943 44 96 90) deitzea.
