Cristobal Gamon BHI-k 25. urteurrena ospatuko du
Data esanguratsu hori ospatzeko, erakusketa bat eta ikasle eta irakasle ohien bazkari bat antolatu dituzte.
Cristobal Gamon ikastetxeko kirol pista. Cristobal Gamon BHI ikastetxeak 25 urte bete ditu, eta data esanguratsu hori ospatzeko, ekintza ezberdinak antolatu dituzte. Horietan lehena ’25 urteren lehenak’ erakusketa izango da, eta Merkatuzarren egongo da ikusgai, maiatzaren 23tik 31era.
Horrez gain, urteurren hori jai giroan ospatzeko, ikasle eta irakasle ohien bazkari bat antolatu dute ekainaren 25ean ikastetxeko patioan. Bazkariaz gain, txaranga, dantzaldia eta sorpresa ugari izango direla zehaztu dute antolatzaileek. Bazkarian izena emateko azken eguna maiatzaren 31 da.
