'Energia berriztagarriak zure etxean... posible da!' tailerra
Herritarrei beren etxeko energia kontsumoa modu errazean diagnostikatzeko eta faktura elektrikoa murrizteko irtenbideak ezagutzeko tailerra.
‘Energia berriztagarriak zure etxean… posible da!’ tailerra, ‘Energia argitu’ programaren baitan, Gipuzkoako Foru Aldundiko Ingurumen eta Obra Hidraulikoetako Departamentuak Errenteriako Udalarekin elkarlanean, antolatutako saioa da. Tailerraren helburua, etxeetan energiaren kontsumoa murrizteaz gain, energia berriztagarrien erabilera sustatzea izango da. Nola? Bada, herritarrek beren etxeetan energia berriztagarriak ezartzeko nondik norako guztiak ezagutu ditzaten bermatuz.
Aditu batek zuzendutako tailerra izango da eta izaera praktikoa izango du. Hau da, gure eskualdean martxan dauden kasuak azalduko ditu, eta era berean, norberaren etxeko egoeraren diagnostikoa egiteko tresnak eta faktura elektrikoa murrizteko irtenbideak proposatuko ditu.
Saioa hilaren 19an izango da 18:30ean, Reina Aretoan, Xenpelar 3.
Tailerrean parte hartu nahi duen orok, hilaren 17a baino lehen izena eman beharko du helbide honetan, telefonora (605-757-687 astelehenetik ostiralera 9:00-18:00) deituz edo webgunean bertan.
