Bi astez luzatuko dituzte Arraguako jaiak
Txupina hurrengo astean botako dute, baina gaur hasiko da festa. Bi asteburuak ekitaldi eta ekintzaz bete dituzte auzoko eragile eta elkarteek.
Etenaldi luze baten ondoren, Arraguak auzoko jaiak ospatuko ditu aurten. Datozen bi asteburuak ekitaldi eta ekintzaz bete dituzte, egitarau oparoa prestatu dute auzoko eragile eta elkarteek. Jaiak ofizialki hurrengo astean hasiko dira, orduan botako dute txupina, baina festa usaina sumatu daiteke auzoan, gaur bertan hasiko baita.
Ondorengoa da, egitaraua osorik:
- Ostirala (hilak 13): 22:00etan, truk txapelketa mundiala jokatuko dute, Aldeguno elkartean. 15 euro ordaindu beharko dira parte hartzeko.
- Larunbata (hilak 14): 21:00etan, bertso afaria egingo dute Aldeguna elkartean, Amets Arzallus eta Andoi Egañarekin.
- Igandea (hilak 15): 10:30ean, futbol txapelketa jokatuko dute gaztetxoek, pista berrian.
- Ostirala (hilak 20): 14:00etan jubilatuentzako bazkaria egingo dute Aldegunan; 18:00etan txupinazoa joko dute Aldeguna atarian, eta ondoren, kalejira egongo da buru handi eta erraldoiekin; 19:00etan Gorriti Show-ren eskutik, ponyak eta bigantxak gaztetxoentzako; 20:00etan elkarretaratzea, frontoian hasita auzoan zehar (jarraian afaria egingo dute); 21:30ean Elektrotxuflaren eskutik, musika ibiltari saioa.
- Larunbata (hilak 21): 10:00etan diana, trikitilariekin; 12:00etan Oidultz dultzainero taldea auzoan barrena ibiliko da; 14:00etan herri bazkaria egingo dute; 18:00etan Txamukos mariatxiaren ikuskizuna, eta ondoren, afaria; 22:00etan Oarso DJaren musika emanaldia.n
- Igandea (hilak 22): 9:00etan meza; 10:00etan diana Oiartzungo Lartaungo txistulariekin; 10:30ean pilota partidak Oiarperen eskutik; 11:00-13:30 eta 15:30-18:00 bitartean jolas partea eta puzgarriak; 11:30ean haur jolasak; 12:00etan mutxikoak Arraguako frontoian; 17:00etan VI Bizkotxo Txapelketa; 18:00etan Irrien Lagunaken eskutik, Elkartasun jantokia ikuskizuna haurrentzako; 19:00etan txokolatada eta ondoren, zuzensuzkoa, jaiei bukaera emateko.
