Elizalde Eguna ospatuko dute igandean
Iganderako askotariko ekintzak antolatu dituzte, haur zein haien gurasoei bideratutakoak. 10:30ean hasiko dute festa eguna.
Elizalde Eguna ospatuko dute igandean bertako langile, ikasle eta haien gurasoek . Askotariko ekintzak antolatu dituzte, haur zein helduei begirakoak.
10:30ean hasiko dute eguna, 4. DBHko ikasleen ibilbidearen argazkien erakusketa batekin. 4.C gelan jarriko dute. 12:00etan aldiz, bi urteko ikasleei ongi etorria egingo diete, eta DBH 4koei aldiz, agurra.
Egun osoan zehar kantina irekita egongo dela aurreratu dute, eta goxokiak egongo direla etxeko txikienentzat. 13:00etan txikiek sabelak beteko dituzte, eta ondoren, 14:00etan, helduek bazkaria egingo dute.
Goiz eta arratsalderako ekintza ugari antolatu dituzte: diana, haur krosa, ate irekiak, gimnasia modernoa, euskal dantzak, jolasak, dantzaldia… Ez da aspertzeko tarterik egongo.
