Eskualdeko kultur eragile eta enpresak Zinealdean bilduko dira
Hilaren 26an BDCC Ostegunak izeneko jardunaldia egingo dute, kultur zein sormen eragile eta enpresen "esperientzia praktikoak ezagutu eta adituen ezagutza azaltzeko" asmoz. Oarsoaldea garapen agentziak bertaratzeko deia egin du.
Oiartzungo Zinealdean jardunaldi berezia egingo dute hilaren 26an (osteguna da), BDCCk (Basque Distric of cultur and creativity) abiatutako BDCC Ostegunak izeneko egitasmoaren hurrengo geltoki izango baita herria. Hitzordu garrantzitsua izango da eskualdeko kultur eta sormen sektoreko enpresa eta eragileentzat, hala dela aurreratu du Oarsoaldea garapen agentziak.
“Esperientzia praktikoak eta adituen ezagutza azaltzeko” baliatuko dute jardunaldia. Eskualdeko kultura eta sormen sektoreko enpresa eta eragileak elkartuko nahi dituzte, antolatzaileen arabera, “nazioarteko bideak sentsibilizatu eta ikusarazteko gaiarekin”. Erakundeak esparru horietan duen egoera neurtzeko “modu erraz” bat aurkeztuko dute jardunaldian, “enpresa bakoitzak nazioartekotzeko duen ahalmenaren ikuspegi orokorra lortzeko, eta gainera, hobetzeko aukera egiaztatzeko”.
Bertaratzeko interesa dutenek esteka honetara jo beharko dute. Sarrera mugatua izango da, baina bertaratzeko aukera ez dutenek streaming bidez jarraitzeko aukera izango dute, lotura honetan.
16:00etan hasiko dute jardunaldia, Jesus Albizuk (AVU Consultores) eskainiko duen Berezitasunak, ezaugarriak eta nazioartekotzeko oztopoak. Zergatik gara beldur? hitzaldiarekin. Gero, Nazioartekotzeko tresnak saioa eskainiko du Antonio Martinezek (IDOM), eta jarraian, Jesus Albizuk berriro, Nazioarteko bideak hitzaldia emango du. 17:00etan berriz, Kanpoko esperientzien jolasa eta hausnarketa izeneko tailerrean parte hartuko dute bertaratutakoek, eta jardunaldia bukatzeko, 18:00etan, networking-a egingo dute.
