Julen Lobete Futbol Kanpusa, Plazetan
Ekainaren 27tik uztailaren 1era jasoko du Lezoko futbol zelaiak 8-14 adin tartekoak futbolean trebatzeko egitasmoa.
Julen LObete, Realarekin gol bat sartu ondoren. Argazkia: Twitter / @Julen_Lobete Julen Lobete Realeko jokalariaren izena eramango duen campusa jasoko du Plazeta futbol zelaiak ekainaren 27tik uztailaren 1era, Julen Lobete Futbol Kanpusa. 8-14 adin tarteko haurrentzako da, eta jada aukera dago izena emateko. Futbolean trebatzeko aukera izango dute horrela Lezoko eta kanpoko haurrek.
Izen ematearen prezio orokorra 95 eurokoa da, baina Allerruko jokalariek merkeago dute matrikula, 89 eurokoa izango baita. Prezio horren barruan daude entrenatzaileen prestaketa saioak, ekipazio ofiziala, ekintza sorta bat, eta beharrezkoa den asegurua. Ekainaren 27tik uztailaren 1erako saioek (astelehenetik ostiralera dira, beraz) 09:00etan izango dute hasteko ordua, eta 14:00etan bukatuko dira.
Izena emateko, campusaren webgunera joan behar dute interesdunek (hemen klik eginda joan hara). Bestela, zalantzak argitzeko edo informazioa eskatzeko bi bide jarri dituzte antolatzaileek:
- Posta elektroniko mezua bidaltzea.
- Telefono deia egitea: 627 88 24 85 (Aratz) eta 627 34 17 07 (Beñat)
