Errenteriako gomazko pala taldea, Herriartekotik at
Itzulerako partidetan joanekoen errendimendua hobetu bazuten ere, Aiako taldea sailkatu da final laurdenetarako.
Errenteriaren Herriarteko partida bat. Errenteriako gomazko paletako taldea Herriartekotik at geratu da. Itzulerako partidetan joanekoen errendimendua hobetu bazuten ere, final zortzirenetan txapelketatik kanpo geratu dira, eta arerio izan zuten Aia sailkatu da final laurdenetarako. Itzulerako norgehiagokak aurreko ostegunean jokatu ziren Agustina Otaola pilotalekuan. Guztira hiru partida jokatu ziren. Aiakoak garaile izan ziren banakako bi lehietan, eta Errenteriakoak binakakoan nagusitu ziren. Kanporaketako emaitza 5 eta 1ekoa izan da Aiaren alde.
Honakoak izan ziren partiden emaitzak:
- Banakakoa:
Errenteria (Izkierdo) 6 / 20 Aia (Aldalur)
- Binakakoa:
Errenteria (Yorel-Aizkorreta) 20 / 19 Aia (Aranberri-Azpiazu) - Banakakoa 7.aren barruan:
Errenteria (Arregi) 17 / 20 Aia (Lizaso)
Lehiaketa Federatua
Aurreko jardunaldian txapelketa federatu eta pribatuetan, 11 garaipen eta 10 porrot eskuratu zituzten EPLEko pilotariek ezkerreko hormako eta trinketeko modalitateetan.
