Mind Trap eta Young Kids taldeak, ekainaren 4an Niessenen

Musikazzaleek hitzordua dute datorren larunbatean, ekainak 4. Oarsomusikak antolatuta, bi kontzertu "kañerorekin" datoz.

Young Kids eta Mind Trap taldeek joko dute Niessenen.
Musikazaleek hitzordua dute datorren larunbatean, ekainak 4, 21:00etan, Niessen Aretoan. Oarsomusikak antolatuta, bi kontzertu “kañerorekin” datoz: Mind Trap eta Young Kids. Mind Trap 2014an sortutako talde donostiarra da. Denbora horretan hiru disko argitaratu dituzte: Let the music talk (2015), ReEvolution (2017) eta Nonetheless (2021). Une honetan euren laugarren diskoa prestatzen ari dira, eta abesti berrietako batzuk aurkeztuko dituzte Niessenen. Mind Trap taldeak hard rocka eta metala egiten dute, baina bluesetik jazzera bitarteko influentzia anitzak nahasten dituzte.
 
Bestalde, Young Kids 2014an sortutako taldea da, Sutura taldearen errautsetatik jaioa. Young Kidsek Pasaiako talde mitikoaren ondarea jarraitzen du, baina soinuari elementu metalikoak gehitzen dizkiote. 2019an kaleratu zuten lehen diskoa, Melodías para anormales izenekoa.
 
Sarrerek 5 euroko prezioa izango dute, eta Kultura Kreaktiboaren webgunean eskura daitezke.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.