Erraldoiak eta batukada komunitarioa Itsas Festibalean
Itsasoan aurkitutako hondakinekin eta eskuz jositako koralekin egindako erraldoiek Trintxerpetik San Pedrora doan bidea egingo dute.
Antzeko iniziatiba bat San Pedro barrutia. Itsas Festibalaren ospakizuna aprobetxatuta, hainbat lagun eta erakunde elkarrekin aritu dira lankidetzan eta bi erraldoi aterako dituzte kalera hurrengo larunbatean. Egun horretan, itsasoan aurkitutako hondakinekin eta eskuz jositako koralekin egindako erraldoiek kaleak hartuko dituzte. Arratsaldeko 18:00ak aldera abiatuko dira Trintxerpetik San Pedrora.
Iniziatibak ingurumenaren arazoaz eta itsasoko plastikoen kutsaduraz ohartaraztea bilatzen du. Bide batez, auzoetan laguntzarako eta zaintzarako bizilagunen sareak sortzeko aukera dagoela erakusteko ere baliagarria da, ekintzaren sortzaileen ustez.
Aipatutako komunitatearen egituran bi barrutietako erakunde ugarik hartu dute parte: Adinkide GKE, Hurkoa, Lalocadelacasa, Mater Museoa, Karmengo Ama Eskola, Bat plus Bat Elkartea, Blas de Lezo Itsas Eskola, Goyeneche Fundazioa eta Pasaiako Udaleko Berdintasuneko eta Gizarte Zerbitzuetako Saila.
